Höfnin inni í Reykjanes Unesco Global GeoPark

Skoðaðu gagnvirkt 360°

yfirsýn frá Keflavíkurhöfn

Næstu skemmtiferðaskip

29.5.2026

Hondius

Lengd: 107,6m

Farþegar: 170

Áhöfn: 80

9.8.2026

Azamara Journey

Lengd: 181m

Farþegar: 694

Áhöfn: 407

15.8.2026

Ocean Victory

Lengd: 140m

Farþegar: 189

Áhöfn: 100

24.8.2027

Azamara Journey

Lengd: 181m

Farþegar: 694

Áhöfn: 407

Þjónusta

Skipaþjónusta

Reykjaneshöfn selur vatn og rafmagn til báta og skipa sem eru í viðlegu í höfnum Reykjaneshafnar.

Vigtun og skráning

Hafnarvog sem staðsett er við skrifstofu Reykjaneshafnar að Víkurbraut 11 við Keflavíkurhöfn

Dráttarbátaþjónusta

Reykjaneshöfn rekur dráttarbátinn Auðunn, hann notaður til flutnings á hafnsögumanni út í fraktskip sem koma til hafna Reykjaneshafnar ásamt því að aðstoða viðkomandi fraktskip við að komast að viðlegukanti.

Íssala

Reykjaneshöfn selur ís til fiskiskipa og vinnsluaðila, en ísafgreiðslan er við gafl Ísturnsins á Njarðvíkurhöfn og afgreiðist í ílát eða farartæki á vegum kaupenda.

Lóðir og lendur

Reykjaneshöfn á lóðir og lendur við hafnarsvæði hafnarinnar sem úthlutað er og leigðar undir ýmsa atvinnustarfsemi.

Skemmtiferðaskip

Reykjaneshöfn býður upp á þjónustu við skemmtiferðaskip í Keflavíkurhöfn þar sem stutt er í þjónustu í miðbæ Reykjanesbæjar.

Framtíðarsýn Reykjaneshafnar til 2035

ferðaþjónustuhöfn

Keflavíkurhöfn

Hlutverk Keflavíkurhafnar hefur breyst mikið og þjónar nú alfarið skemmtiferðaskipum og ferðatengdri starfsemi. Löndunaraðstaða á aðalhafnargarðinum er aflögð og eldri viðlegukantar hafa verið fjarlægðir til að rýma til fyrir stærri skemmtiferðaskipum.

Aðalhafnargarðurinn hefur verið lengdur um 70m og getur nú tekið við allt að 1000 farþega skemmtiferðaskipum með auknu dýpi. 

Nýtt þjónustuhús hefur risið á lóðum hafnarinnar sem tengt er hafnarkanti með göngubrú sem flytur farþega inn á Vatnsnesið. Í þjónustuhúsi er aðstaða til að þjónusta farþega og skipverja skemmtiferðaskipa auk veitingarýmis sem þjónar bæði íbúum og farþegum. Aðgangsstýring inn á hafnarsvæðið er markviss og uppfyllir allar öryggiskröfur varðandi umgjörð um þessa starfsemi. Vesturbryggja hefur verið endurbætt m.v. hækkandi sjávarstöðu og þjónustar ferðatengda starfsemi.

vöruflutningar

Helguvíkurhöfn

Höfnin samanstendur af þremur viðleguköntum, olíubryggju, norðurbakka og suðurbakka sem byggður hefur verið upp í tengslum við birgastöð fyrir skipaeldsneyti. Nýr suðurbakki er 400 metra langur og býður upp á ekjuskipatengingu innst í kverkinni. Norðurbakkinn hefur einnig verið lengdur til vesturs og þjónustar aukinn inn- og útflutning frá Helguvík þar sem helstu vöruflutningarnir eru sement, innflutningur á CO2 og útflutningur á vetnisorku. Suðurbakkinn er nýr 400 metra viðlegukantur með ekjurampi í vesturenda kantsins sem er nýttur af farþega- og vöruflutningsferju. Á vesturenda hafnarsvæðisins eru einnig frystigeymsla og geymslusvæði fyrir frystigáma en frystum sjávarafurðum er þar skipað út til flutnings á Ameríkumarkað. Jafnframt er þar skipað út laxaafurðum fyrir sama markað en á svæðinu er miðlunarstöð útflutnings þeirra afurða, annarsvegar með skipum og hins vegar með flugi.

Sjávarútvegshöfn

Njarðvíkurhöfn

Njarðvíkurhöfn er aðal fiskiskipa- og þjónustuhöfn Reykjaneshafnar með þremur viðleguköntum. Norðurgarði, Suðurgarði og Austurgarði. Nýr skjólgarður, Austurgarður, er kominn fyrir sunnan starfssvæði Skipasmíðastöðvar Njarðvíkur hf. sem hefur gert höfnina að lífhöfn og stækkað hafnarsvæðið allverulega.

Á Norðurgarði innanverðum upp við land er kominn 30 metra löndunarkantur með tveimur löndunarkrönum og 2,5 metra aðdýpi sem þjónustar smærri báta. Uppfylling er komin í vestari enda hafnarinnar milli Norðurgarðs og Suðurgarðs þar sem skrifstofa hafnarinnar er staðsettar ásamt hafnarvogum og bílastæðum.  Skipasmiðastöð Njarðvíkur hefur aukið við starfsemi sína með byggingu þurrkvíar sem getur þjónustað öll stærstu skip fiskiskipaflota landsins. 

Hafinn er undirbúningur fyrir allt að 10 hektara landfyllingu út frá Fitjum til að þjónusta hafnsækna starfsemi og auka viðlegupláss.

Smábátahöfn

Grófin

Hlutverk smábátahafnarinnar er óbreytt en umhverfi hennar hefur tekið stakkaskiptum eftir að nýtt íbúðahverfi hefur komið í stað gömlu dráttarbrautarinnar. Smábátahöfnin er sem áður viðlegustaður smærri báta, fiskiskipa og skemmtibáta. Höfnin er hluti af umgjörð útivistar og ferðaþjónustu í samspili við menningartengda starfsemi í gamla bænum í Keflavík.