Reykjaneshöfn 420 3220

Reykjaneshöfn aðili að Cruise Iceland

Mynd 3

Þann 5. september s.l. var undirritaður samstarfssamningur milli Reykjaneshafnar og Cruise Iceland, en á 218. fundi Stjórnar Reykjaneshafnar þann 28. júní s.l. samþykkti stjórnin að sækja um aðild af samtökunum. Cruise Iceland eru regnhlífarsamtök fyrirtækja úr ýmsum greinum atvinnulífsins sem vilja markaðssetja Ísland sem ákjósanlegan viðkomustað fyrir skemmtiferðaskip, bæði stór og smá. Í því felst sameiginlegt markaðsstarfa gagnvart viðkomandi útgerðum og samstarf við hliðstæð samtök erlendis. Í þessari markaðssetningu horfir Reykjaneshöfn til smærri farþegaskipa sem hefðu jákvæð áhrif á rekstur hafnarinnar og væru jafnframt ný stoð í flóru ferðamennsku á Suðurnesjum. Dæmi um slík skip er skemmtiferðaskipið Ocean Edeavour sem kom í Keflavíkurhöfn 30. júní s.l.