------------------------------------------------------------------------------------------------

Tilkynning um afskráningu skuldabréfaflokka Reykjaneshafnar í Kauphöll.

Reykjaneshöfn hefur keypt og fengið afhent öll skuldabréf í flokkunum RNH 04 1, RNH 05 1 og RNH 08 1. Uppkaupin voru í samræmi við tillögu til lánadrottna og eigenda skuldabréfa sem tilkynnt var í Kauphöllinni þann 31. maí 2011. Centra Fyrirtækjaráðgjöf hf. var umsjónaraðili nýrrar útgáfu og uppkaupa ofangreindra skuldabréfa.

Reykjaneshöfn er nú orðin eigandi allra bréfanna og hefur óskað eftir því að þau verði afskráð í Kauphöllinni.

Jafnframt hafa ný skuldabréf í flokkunum RNH 27 0415 og RNH 16 1015 verið skráð í Kauphöllinni.

01. Júní 2011

Afdrif tillögu Reykjaneshafnar til lánveitenda og eigenda fjármálagerninga sem útgefnir eru af Reykjaneshöfn

 Þann 31. maí 2011 setti Reykjaneshöfn fram tillögu til lánveitenda sinna og eigenda fjármálagerninga útgefnum af Reykjaneshöfn (hér eftir "kröfuhafar") um endurfjármögnun stofnunarinnar.

Kröfuhafar Reykjaneshafnar eru samtals tuttugu talsins. Tillagan þarf samþykki allra kröfuhafa nema Lánasjóðs Sveitarfélaga til að ná fram að ganga, eða samtals nítján kröfuhafa. Af þessum nítján kröfuhöfum hafa allir samþykkt tillöguna. Telst því tillagan samþykkt.

Nánari upplýsingar veitir Pétur Jóhannsson, framkvæmdastjóri Atvinnu- og hafnarsviðs Reykjanesbæjar í síma 420-3222.

31. maí 2011

Uppfærð tillaga til lánveitenda og eigenda fjármálagerninga

sem útgefnir eru af Reykjaneshöfn.

(Smella hér til að sækja uppfærða tillögu)

LÍFALKÓHÓL OG GÝKÓLVERKSMIÐJA

Atlantic Green Chemicals

Við Helguvíkurhöfn

MAT Á UMHVERFISÁHRIFUM

TILLAGA AÐ MATSÁÆTLUN

(smella hér til að sækja áætlun)

"AGC ehf.(Atlantic Green Chemicals) ásamt nokkrum erlendum samstarfsaðilum

áformar reisingu verksmiðju til framleiðslu umhverfisvænna og grænna efnavara úr

endurnýjanlegum hráefnum frá landbúnaði. Hráefnin sem notuð verða eiga uppruna

sinn í lífdísiliðnaði(glýseról) en hér verður þeim umbreytt í sérstöku

einkaleyfisvernduðu vinnsluferli. Helstu afurðir verksmiðjunnar verða m.a.

lífalkóhól(blanda nokkurra alkóhóla) en þó aðallega glýkól, frostlögur og skyld efni.

Hráefni verða flutt inn í tankskipum og helstu afurðir, sem eru fljótandi, að mestu

leyti einnig. Greinargerð þessi lýsir helstu þáttum og meginatriðum fyrirhugaðrar

framkvæmdar og rekstrar.

Framleiðsluaðferin sem notuð verður byggir á samtvinnun nokkurra aðskildra

framleiðslueininga, t.a.m vetnisframleiðslu, efnaumbreytingu í lokuðum

hvarfakútum, upphitun, uppgufun, eimingu, geymslu hrávöru og afurða í geymum

og fl.. Framkvæmdin telst því falla undir skilgreiningar í lið 7.i. í fyrsta viðauka

laga nr. 106/2000 um mat á umhverfisáhrifum(efnaverksmiðja sem framleiðir lífræn

hráefni(afurðir)).

Tillaga að matsáætlun lýsir framkvæmd við byggingu verksmiðju og skýrir að auki

vinnslu- og framleiðsluferli áformaðs verkefnis. Áformað er að fyrsti áfangi

verksmiðjunnar skili um 100 tonnum af afurðum á dag(30.000 tonnum á ári) en eftir

stækkun í endanlega stærð, í tveimur viðbótaráföngum, um fjórum sinnum meira

magni eða um 400 tonnum á dag(120.000 á ári). Áformuð staðsetning

verksmiðjunnar er við Helguvíkurhöfn, á deiliskipulögðu iðnaðarsvæði og

lóð sem Reykjanesbær hefur veitt vilyrði fyrir vegna fyrirhugaðrar starfsemi.

Gert er ráð fyrir að nýta afgangsvarma frá Íslenska kísilfélaginu hf (ISC) til þess að

knýja ýmis varmafræðileg verkefni eins og upphitun, uppgufun og eimingu. Þessi

varmi er aukaafurð og kemur því í stað brennslu jarðefnaeldsneytis (olíu, gass) sem

annars þyrfti að eiga sér stað ef verksmiðjan yrði staðsett erlendis. Auk gufunnar

notar verksmiðjan vetni sem meiningin er að framleiða með rafgreiningu.

Samkvæmt lögum nr. 106/2000 m.s.br. um mat á umhverfisáhrifum fellur

framleiðslan undir 1. viðauka laganna, lið 7 i.(efnaverksmiðja sem framleiðir lífræn

hráefni(afurðir).

Framkvæmdaraðili verkefnisins er AGC ehf. Um verður að ræða byggingu

starfsmannaaðstöðu, iðnaðarskála, afurðageyma, stálvirkja og turna, á þegar

skipulögðu iðnaðarsvæði við Helguvík, Reykjanesbæ. Sveitarfélagið hefur unnið

deiliskipulag fyrir svæðið. Um er að ræða nýjan rekstur sem ekki hefur verið

starfræktur á Íslandi áður. Starfsemin felur hvorki í sér losun á koldíoxíði1 né á öðrum gróðurhúsalofttegundum."  

 (texti þessi er tekinn út inngangi greinagerðainnar).

13. maí 2011

 

Reykjaneshöfn - Ársreikningur 2010

 

Meðfylgjandi er ársreikningur Reykjaneshafnar fyrir árið 2010 og fréttatilkynning vegna hans, en ársreikningurinn var lagður fram og samþykktur af hafnarstjórn 12. maí 2011 og verður tekinn fyrir í bæjarstjórn 17. maí 2011.  

			Fjárhags-
	2010	2009	áætlun 2010
Rekstrartekjur	203.820.854	363.926.035	291.900.000
Rekstrargjöld	153.695.335	248.980.996	193.716.000
Hagnaður fyrir afskriftir	50.125.519	114.945.039	98.184.000
Rekstrarniðurstaða	9.503.081	74.001.456	32.984.000
Tap ársins	( 437.599.815)	( 502.800.808)	( 629.838.851)
Eignir	31.12. 2010	31.12. 2009	áætlun 2010
Fastafjármunir	2.790.944.777	2.257.061.157	1.942.700.000
Veltufjármunir	213.853.682	213.853.682	148.142.628
Eignir	3.002.275.612	2.470.914.839	2.090.842.628
Eigið fé og skuldir	31.12. 2010	31.12. 2009	áætlun 2010
Eigið fé	( 2.674.376.876)	( 2.670.914.321)	( 3.432.538.852)
Langtímaskuldir og skuldbindingar	3.624.914.638	3.154.411.329	4.773.338.596
Skammtímaskuldir	2.051.737.850	1.987.417.831	750.042.884
Skuldir	5.676.652.488	5.141.829.160	5.523.381.480
Eigið fé og skuldir	3.002.275.612	2.470.914.839	2.090.842.628
	31.12. 2010	31.12. 2009	áætlun 2010
Handbært fé til rekstrar	(227.943.294)	(110.902.644)	(345.646.388)
Veltufé til rekstrar	(302.868.378)	(160.456.193)	13.442.628

 

 

Ársreikningur Reykjaneshafnar er gerður í samræmi við sveitarstjórnarlög, lög um ársreikninga og ársreikninga sveitarfélaga og auglýsingar fjármálaráðuneytisins um reikningsskil sveitarfélaga.

 

Starfsemi Reykjaneshafnar er fjármögnuð með rekstratekjum frá hafnarrekstri og rekin sem fjárhagslega sjálfstætt fyrirtæki í 100% eigu Reykjanesbæjar.

 

Rekstrartekjur hafnarinnar á árinu 2010 námu 203,8 millj. kr. og rekstrargjöld kr. 153,7 m.kr. og þar af laun 55,9 m.kr. samkvæmt  ársreikningi.  Hagnaður fyrir afskriftir 50,1 m.kr.  Afskriftir 40,6 m.kr. fjármunatekjur og -gjöld 447,1 mkr. en tap ársins 437,6 mkr.

 

Framkvæmdir voru óverulegar á árinu 2010, unnið við gatnagerð, lóðir og dýpkun og endurbætur á grjótvarnargarðinum í Helguvík og fjárfest fyrir 147,9 m.kr.

 

 

 

Framtíðarsýn:

 

Lóðaúthlutun í Helguvík hefur nánast stöðvast frá árinu 2008 og en reiknað með úthlutun lóða á árinu 2011.  Undirritaðir voru samningar um lóð, verksamning varðandi undirbúning lóðar og hafnarsamning á milli Reykjaneshafnar og Íslenska kísilfélagsins ehf. þann 28. febrúar 2011.  Íslenska kísilfélagið ehf. hyggst byggja kísilver á lóðinni Stakksbraut 9 við Helguvíkurhöfn í tveimur áföngum og byrja á 1. áfanga sumarið 2011.  Nú þegar hafa undirbúningsframkvæmdir á lóð hafist með töku jarðvegssýna, þar sem boraðar voru kjarnasýnisholur til að kanna jarðlög þar sem hæstu byggingarnar munu standa.  Fyrirhugað er að framkvæmdir á lóð hefjist í byrjun júní 2011.  Ráðgert er að byggingartími kísilversins sé tvö ár og framleiðsla hefjist á síðari hluta ársins 2013.

 

Reykjaneshöfn undirritaði 27.4. 2006 hafnarsamning og lóðarsamning í Helguvík við Norðurál. Fyrirhugað er að reisa allt að 370 þúsund tonna álver í áföngum.  Fyrsti áfangi yrði 90 þúsund tonna álver og hófust byggingarframkvæmdir við hann í  maí 2008.  Óvíst er hvenær framleiðsla hefist en vonast að það verði á árinu 2013. 

 

Reykjaneshöfn lenti í vanskilum með afb. langtímalána í maí 2011 og í framhaldi af því var í október 2010 Centra fyrirtækjaráðgjöf ehf. fengin til ráðgjafar um endur-skipulagningu fjárhags Reykjaneshafnar.  Samkomulag náðist við alla lánveitendur Reykjaneshafnar 1.12.2010 um að innheimta allra vanskila og afborgana langtímalána yrðu stöðvuð til 1.5.2011.  Sá frestur var framlengdur til 1. júní 2011 og vonandi nær Reykjaneshöfn að semja við lánveitendur langtímalánanna fyrir þann tíma, enda er það ein af forsendum þess að rekstrarhæfi hafnarinnar sé tryggt næstu ár.

 

 

Góðar framtíðarhorfur Reykjaneshafnar.

Þrátt fyrir erfiðan rekstur Reykjaneshafnar árið 2010 og skuldir sem nema um 5,7 milljörðum króna, mun eignastaða Reykjaneshafnar styrkjast á næstu árum.  Það byggir á því að virði lóðargjalda á óúthlutuðum lóðum í Helguvík, samkvæmt gjaldskrá, er um 4 milljarðar kr. 

Ef áætlanir um endurfjármögnun langtímalánanna ganga eftir, þá er áætlað að rekstur hafnarinnar muni komast í jafnvægi á næstu árum með auknum tekjum vegna hafnargjalda, lóðargjalda, lóðarleigu og fasteignarskatta tekjurnar verði hærri en fjármagnskostnaðurinn og höfnin nái að greiða niður skuldir sínar.  Í þeim áætlunum sem unnið er með gagnvart lánveitendum er gert fyrir að byggingarframkvæmdir hjá Íslenska kísilfélagið ehf. fari af stað sumarið 2011 og rekstur hefjist á árinu 2013.

 

 

 

(Smella hér til að sækja ársreikinginn)

 

 

 

------------------------------------------------------------------------------------------------

18. apríl 2011

Tilkynning vegna tillögu Reykjaneshafnar til lánveitenda og eigenda fjármálagerninga frá 8. apríl

Þann 8. apríl sl. setti Reykjaneshöfn fram tillögu til lánveitenda og eigenda fjármálagerninga sem gefnir eru út af Reykjaneshöfn um endurfjármögnun hafnarinnar. Kröfuhafar hafa sett fram ákveðnar hugmyndir um breytingar á tillögunni sem Reykjaneshöfn vill taka til nánari skoðunar. Gert er ráð fyrir að setja fram uppfærða tillögu til kröfuhafa í næstu viku."

8. apríl 2011

Reykjanesbær, 8. apríl 2011

Tillaga til lánveitenda og eigenda fjármálagerninga sem útgefnir eru af Reykjaneshöfn

Á fundi þann 16. mars 2011 var lánveitendum og eigendum fjármálagerninga sem útgefnir eru af Reykjaneshöfn kynntar hugmyndir Reykjaneshafnar um mögulegar leiðir til endurfjármögnunar á skuldum stofnunarinnar. Engar ákvarðanir voru teknar á fundinum, en óskað eftir viðbrögðum við þeim hugmyndum sem kynntar voru fyrir 5. apríl.

Í millitíðinni hefur Reykjaneshöfn að ósk þeirra þriggja lífeyrissjóða sem eru stærstu kröfuhafarnir að undanskildum Reykjanesbæ og Lánasjóði Sveitarfélaga, ráðið verðbréfafyrirtækið Arctica Finance hf. til að vera þessum lífeyrissjóðum til ráðgjafar, sem og öðrum kröfuhöfum sem þess óska. Eftir sem áður mun verðbréfafyrirtækið Centra Fyrirtækjaráðgjöf hf. vera ráðgjafi Reykjaneshafnar og hafa með höndum samskipti við kröfuhafa fyrir hennar hönd.

Í ljósi þeirra viðbragða sem Reykjaneshöfn hafa borist frá kröfuhöfum í kjölfar fundarins þann 16. mars s.l. vill stofnunin setja fram tillögu um útfærslu á endurfjármögnun sem felur í sér þá hugsun að "bíða og sjá", sbr. kynningu frá 16. mars. Tillagan er sú að kröfuhafar endurfjármagni núverandi skuldir hafnarinnar að hluta til með löngu jafngreiðslubréfi sem fái þjónustu strax, en að hluti af skuldunum verði settur á styttra bréf sem fái ekki þjónustu fyrr en eftir tvö ár. Reykjaneshöfn mun hafa burði til að standa við skilmála bréfanna ef þróunin á næstu árum verður á þann veg sem lýst er í sviðsmynd sem nefnd var "Grunnviðmið" í kynningu 16. mars, þ.e. að kísilver verði að veruleika með þeim áhrifum á atvinnuuppbyggingu á svæðinu sem vænst er að því fylgi. Ákvæði bréfanna tryggi hagsmuni kröfuhafa og aðkomu þeirra að málum ef þróun er neikvæð.

Tillagan gerir ráð fyrir að núverandi fjármálagerningar verði keyptir til baka á bókfærðri stöðu þeirra og greitt fyrir með löngu bréfi á kröfu sem nemur 100 punktum á HFF 44 og styttra bréfi á kröfu sem nemur 380 punktum á HFF 34. Hlutföll milli bréfanna tveggja verður með þeim hætti að meðalkrafa nemur 235 punktum. Við verðlagninguna á þessum nýju bréfum var litið til þeirrar verðlagningar sem hefur tíðkast í skuldabréfaútgáfum hafnarinnar, en meðalálag við sölu á öllum verðtryggðum núverandi bréfum og lánum Reykjaneshafnar nemur 171 bp og hæsta verð sem höfnin hefur greitt fyrir verðtryggt lánsfé fram að þessu nemur 235 punktum umfram áhættulausa vexti. Bréfin verða með fulla ábyrgð sveitarfélagsins.

Tillagan er útfærð nánar í viðauka.

Óskað er eftir afstöðu lánveitenda og eiganda fjármálagerninga við þessari tillögu fyrir klukkan tólf á hádegi mánudaginn 18. apríl 2011. Allir lánveitendur og eigendur fjármálagerninga sem útgefnir eru af Reykjaneshöfn, utan Lánasjóðs Sveitarfélaga, verða að samþykkja tillöguna ef hún á að ná fram að ganga.

Tilkynnt verður um afdrif tillögunnar eftir lokun markaða þann 18. apríl 2011.

Nánari upplýsingar veitir Pétur Jóhannsson, framkvæmdastjóri Atvinnu- og hafnarsviðs Reykjanesbæjar í síma 420-3222.

  23 desember 2010

Afdrif tillögu Reykjaneshafnar til lánveitenda og eigenda fjármálagerninga sem útgefnir eru af Reykjaneshöfn

Þann 10. desember 2010 setti Reykjaneshöfn fram tillögu til lánveitenda sinna og eigenda fjármálagerninga útgefnum af Reykjaneshöfn (hér eftir "kröfuhafar") um að gjaldföllnum greiðslum og dráttarvöxtum yrði bætt við höfuðstól og samningum og fjármálagerningum skilmálabreytt þannig að næsta greiðsla yrði ekki fyrir 1. maí 2011 ásamt því að ýmsar kvaðir voru settar á Reykjaneshöfn á þessum tíma sbr. nánar efni tillögunnar.

Kröfuhafar Reykjaneshafnar eru samtals tuttugu talsins. Tillagan þarf samþykki allra kröfuhafa nema Lánasjóðs Sveitarfélaga til að ná fram að ganga, eða samtals nítján kröfuhafa. Af þessum nítján kröfuhöfum hafa allir samþykkt tillöguna. Telst því tillagan samþykkt.

Nánari upplýsingar veitir Pétur Jóhannsson, framkvæmdastjóri Atvinnu- og hafnarsviðs Reykjanesbæjar í síma 420-3222.

------------------------------------------------------------------------------------------------

 10 desember 2010

Reykjanesbæ, 10. desember 2010

Ný tillaga Reykjaneshafnar til lánveitenda og eigenda fjármálagerninga sem útgefnir eru af Reykjaneshöfn

Í kjölfar fundar í dag leggur Reykjaneshöfn hér með fram nýja tillögu til lánveitenda og eigenda fjármálagerninga. Tillagan tekur tillit til þeirra sjónarmiða sem lágu að baki því að einn eigenda fjármálagerninga hafnaði fyrri tillögu og bætir við ákvæði um upplýsingagjöf, en er að öðru leyti efnislega samhljóma fyrri tillögu. Tillagan er sem hér segir:

1.       Enginn lánveitandi eða eigandi fjármálagernings fær greiðslur vaxta eða afborgana fyrr en 1. maí 2011, með þeirri undantekningu að eigandi víxla fær vaxtagreiðslu. Frestaðar greiðslur afborgana og vaxta bætast við höfuðstól og koma til greiðslu á venjulegum afborgunum hvers bréfs.

2.       Yfirstandandi fjárfestingarverkefni verða stöðvuð og engin ný verkefni sett í gang, með þeirri undantekningu að Reykjaneshöfn er heimilt að ráðast í jarðvegsskipti á einstökum lóðum við sölu þeirra. Stöðvunin gildir fram til 1. maí 2011.

3.       Ekki verður stofnað til nýrrar lántöku né veð veitt í eignum, með þeirri undantekningu að heimilt er að Reykjanesbær láni Reykjaneshöfn til greiðslu vaxta  af víxlum sbr. 1. tölulið tillögu.

4.       Allir kröfuhafar, nema eigandi víxla, fá rétt til gjaldfellingar krafna sinna ef skuld eða skuldbinding útgefanda við aðra umfram 5 milljónir króna er vanefnd og gjaldfelld af þeim sökum, þó með fyrirvara um að vanefndin stafi af réttlætanlegum mótmælum Reykjaneshafnar.

5.       Allir lánveitendur og eigendur fjármálagerninga utan Lánasjóðs Sveitarfélaga verða að samþykkja tillöguna.

6.       Reykjaneshöfn mun upplýsa lánveitendur og eigendur fjármálagerninga með formlegum hætti um stöðu og árangur af stefnumótunarvinnu eigi síðar en 8. mars 2011.

7.       Frestur til að samþykkja tillögu er til og með 22. desember 2010.

Tilkynnt verður um afdrif tillögunnar þann 23. desember 2010.

Nánari upplýsingar veitir Pétur Jóhannsson, framkvæmdastjóri Atvinnu- og

hafnarsviðs Reykjanesbæjar í síma 420-3222.